Fréttir

27. júlí 2010

Ólafur kominn aftur í HK

HK-ingurinn Ólafur V. Júlíusson er á ný kominn í meistaraflokkshóp félagsins eftir rúmlega árs fjarveru. Hann hefur leikið með Ými að undanförnu og spilaði með Víkingi í Ólafsvík fyrri hluta síðasta sumars.

Ólafur er 31 árs gamall og er markahæsti leikmaðurinn í sögu meistaraflokks HK með 59 mörk, þar af 42 í deildaleikjum, og er jafnframt sá fjórði leikjahæsti með 161 leik. Ólafur hefur skorað minna seinni árin, enda spilað á miðjunni en ekki frammi eins og áður. Í sumar hefur hann þó gert 4 mörk í 5 leikjum með Ými í 3. deildinni.

Ólafur er kominn með leikheimild og gæti því tekið þátt í leiknum gegn Gróttu í 1. deildinni á Kópavogsvellinum annað kvöld.

Damir Muminovic hefur verið lánaður til 2. deildarliðs Hvatar á Blönduósi og leikur með því út tímabilið. Damir hefur aðeins verið með í þremur leikjum HK í 1. deildinni í sumar.




Til baka

Á næstunni
Könnun

Hvar endar HK í 1. deild karla í sumar?

1.-2. sæti


3.-4. sæti


5.-6. sæti


Neðar


OZON-Vefumsjónarkerfið