Helsinki Cup meistarar!

 4. flokkur karla vann Helsinki bikarinn nú á dögunum en liðið spilaði stórkostlega á öllu mótinu. HK mættu með þrjú lið til leiks og voru þau öll félaginu til sóma. HK 1 unnu sjálfan Helsinki Cup bikarinn eftir að hafa unnið alla 10 leikina sem þeir spiluðu, skoruðu 36 mörk og fengu aðeins 2 á sig.  Bjarki Örn Brynjarsson er leikmaður liðsins og var valinn bestur á mótinu en hann ber einnig fyrirliðabandið. 

HK 2 fóru í B úrslitakeppnina þar sem þeim gekk mjög vel og fóru alla leið í undanúrslit en töpuðu þar naum fyrir svo verðandi meisturum í Fjölni 1 og þar með 3-4 sæti niðurstaðan hjá HK 2. HK 3 lentu svo í erfiðum riðli í riðlakeppninni þar sem þeir mættu hörkuliðum frá Finnlandi og náðu að vinna sig inní B úrslitakeppnina þar sem duttu út í 32 liða úrslitum.