Frístundavagn

Kæru foreldrar og forráðamenn.

Frístundarbíllinn fer af stað mánudaginn 2. september 2024. Fyrirkomulag vagnsins verður eins og á vorönn 2024 og verður aksturinn í boði mánudaga til fimmtudaga.

Frístundavagninn verður mannaður með starfsmönnum sem aðstoða börnin við að spenna beltin, passa upp á dótið sitt og fara út á réttum stað. Foreldrar greiða hóflegt gjald fyrir þjónustuna og skrá börnin sín í gegnum Abler hér.

Hlökkum til samstarfsins í vetur!

Starfsmenn Íþróttafélaganna Gerplu, Breiðabliks og HK.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Óskilamunir úr bláa og græna bílnum fara í Kórinn – Óskilamunir úr rauða bílnum fara í Gerplu (Versölum).

Rauði bílinn s: 621-4107

Græni bílinn s: 621-4108

Blái bílinn s: 621-4120

Mikilvægt er að foreldrar og forráðamenn komi upplýsingum til frístundaheimilanna eða skólans ef barnið þeirra á að taka bílinn á æfingu og þá hvaða lit og klukkan hvað. Starfsmenn frístundaheimilanna hafa verið duglegir að fylgja börnunum út á stoppistöð og þegar í bílinn er komið er það starfsmaður hans sem tekur við barninu og aðstoðar það við að fara út á réttum stað.

Æskilegt er að forráðamenn fari tímanlega í gegnum rúntinn með barninu og sýni því hvar það á að fara út svo barnið sé öruggara þegar aksturinn hefst.

Bílarnir eru þrír og eru merktir með þremur mismunandi litum í framrúðunni.
Þannig geta börnin þekkt sína rútu eftir litnum. Hver bíll fer tvær ferðir á dag. Ekki er gert ráð fyrir því að bíllinn aki börnunum til baka á frístundaheimilin að lokinni æfingu og eru börnin því á ábyrgð foreldra eftir að æfingu lýkur. Starfsmenn verða í bílunum til að aðstoða börnin við að fara á réttan æfingastað.

Frístundavagninn er fyrst og fremst hugsaður fyrir börn í 1. - 4.bekk. Ef nægt pláss er í bílunum er eldri börnum velkomið að nýta þá en 1.-4. bekkur er alltaf í forgangi.

Við hlökkum til að eiga gott samstarf og vonumst til að vagninn nýtist sem flestum í vetur.