Hilmar Guðlaugsson nýr yfirþjálfari handboltans

Barna og unglingaráð handknattleiksdeildar HK hefur ráðið Hilmar Guðlaugsson sem yfirþjálfara yngri flokka félagsins frá 1.janúar 2024, en Hilmar þjálfar einnig meistaraflokk kvenna hjá HK.

Hilmar tekur við af Hákoni Bridde sem óskaði eftir að láta af störfum á haustmánuðum. Davíð Elí Heimisson íþróttafulltrúi handboltans hljóp í skarðið tímabundið og þökkum við bæði Hákoni og Davíð Elí fyrir vel unnin störf.

Hilmar er flestum HK-ingum vel kunnugur enda starfaði hann við félagið í vel yfir áratug og þjálfaði kvennalið félagsins á árunum 2010-2015 með góðum árangri.

Sem yfirþjálfari mun Hilmar leiða það verkefni að efla yngri flokka starf HK með fræðslu og stuðningi við þjálfara og iðkendur og sinna daglegu umfangi og verður Davíð Elí honum áfram innan handa.

Við bjóðum Hilmar hjartanlega velkominn til starfa.