2.flokkur karla staddur á Englandi

Hér má sjá mynd af byrjunarliði HK í fyrsta leik

2.flokkur karla er staddur á Englandi þar sem þeir taka þátt í móti á vegum Brooke House College rétt við Leicester.

Mótið er spilað með hraðmóta fyrirkomulagi þar sem í dag voru spilaðir þrír 45 mínútna leikir með 10 mínútna leikhléi milli leikja.

Strákarnir spiluðu fyrst gegn mótshöldurum í Brooke House College í leik sem tapaðist 1-0. Því næst léku þeir gegn Fox Academy sem er akademía í Leicester og töpuðu þeim leik 2-1 þar sem Hákon Freyr skoraði úr víti. Síðasti leikur dagsins var svo gegn u-19 ára liði Hull City og þar fór HK með sigur af hólmi 2-1 þar sem Tumi Þorvarsson og Víðir Freyr skoruðu mörkin.

Það ræðst svo síðar í dag þegar hinum riðlinum líkur við hverja HK spilar á morgun.

Uppfært

Seinni dagur fótboltamótsins sem 2.fl karla var boðið á í Englandi var í dag og þar sótti HK tvo sigra.

Fyrri leikur dagsins var gegn undir 19 ára liði Doncaster og endaði hann 1-1 og fór því í vítaspyrnukeppni Tumi skoraði mark HK í leiknum en Ólafur Örn stal senunni þegar hann skoraði úr fjórðu vítaspyrnu HK og fór svo aftur í markið og varði fimmtu spyrnu Doncaster og tryggði þar með sigur. Seinni leikurinn var gegn undir 19 ára liði Rákospalotai frá Ungverjalandi og þann leik vann HK 2-0 með mörkum frá Víði Frey og Tuma.

Niðurstaðan er því 5.sæti og gífurlega skemmtilegu móti í Englandi lokið og við þökkum Brooke House College kærlega fyrir boðið sem og Norbert Farkas fyrrum þjálfara yngri flokka HK sem var okkur innan handar í aðdraganda mótsins en hann starfar sem þjálfari hjá Brooke House College.

Sjá myndir hér neðar:

 Áfram HK!