U-19 ára karla – 8. sæti á EM

Mynd: HSI.is

Strákarnir okkar í U19 ára landsliði Íslands hafa lokið keppni á EM sem fram fór í Króatíu. Strákarnir mættu Svíum í leik um 7. sætið í gærmorgun. Leikurinn var afar kaflaskiptur og spennandi en það voru Svíar sem voru sterkari á lokasprettinum og lönduðu þeir sigri, 26-24.

8. sætið tryggði bæði U2002 og U2004 landsliðum Íslands sæti á EM á næsta ári.

Við hjá HK erum afar stolt af því að hafa átt tvo fulltrúa í hópnum, þá Símon Michael Guðjónsson og Einar Braga Aðalsteinsson. Strákarnir stóðu sig með sóma og hlökkum við til að fylgjast með þeim og fleiri HK-ingum spreyta sig með landsliðum Íslands í framtíðinni. Þess má einnig geta að Símon Michael var valinn besti leikmaður íslenska liðsins í leik liðsins gegn Portúgal s.l. föstudag.

Áfram Ísland, áfram HK!