HK og Víkingur hætt samstarfi

HK og Víkingur hafa komist að samkomulagi um hætta samstarfi með knattspyrnuþjálfun 2. flokks og meistaraflokks kvenna undir merkjum HK/Víkings.  Samstarfið hefur gengið vel og hefur verið lykilþáttur í að geta boðið stúlkum á þessum aldri hjá báðum félögum verkefni við hæfi um langt árabil.  Meistaraflokkur kvenna hefur náð langt undir merkjum HK/Víkings og meðal annars spilað tvö síðastu tímabil í deild þeirra bestu.

Stjórn knattspyrnudeildar HK hefur nýlega lokið við stefnumótun knattspyrnudeildar HK sem unnin var með KPMG og gerði sú vinna ráð fyrir því að HK myndi tefla fram undir sínum merkjum þjálfun fyrir bæði kyn frá 8. flokki og upp í meistaraflokk.  

Um leið og við þökkum Víkingum og umsjónarráði HK/Víkings fyrir vel unnin störf og gott samtarf þá hlökkum við til þess að takast á við þessar nýju áskoranir í starfi knattspyrnudeildar HK.

Í vikunni verður fundur með iðkendum og foreldrum þar sem farið verður ítarlegra yfir framtíð kvennaknattspyrnu hjá HK.

Áfram HK,

Stjórn knattspyrnudeildar HK