Tímamót hjá knattspyrnuiðkendum HK

Þann 15. nóvember síðastliðinn bauð barna- og unglingaráð til kveðjuhófs fyrir 2005 árganginn sem lokið hefur veru sinni í yngri flokka starfinu.

 

Tímamót voru hjá knattspyrnuiðkendum fæddum árið 2005 í haust þegar viðveru þeirra í yngri flokka starfi HK lauk. Enginn kvenkyns leikmaður kláraði starfið hjá okkur þetta árið og var því eingöngu um stráka að ræða.

 

Félagið hefur notið samvista við þessa leikmenn í áraraðir og á þeim tíma hafa safnast upp bæði ómetanlegur vinskapur og óteljandi minningar og lærdómur, sem mun eflaust nýtast þeim vel í framtíðinni.

 

Forsvarsmenn barna- og unglingaknattspyrnu hjá HK buðu öllum iðkendum sem útskrifuðust í pizzuveislu í Pure Deli stofunni, þar sem rifjaðar voru upp skemmtilegar sögur og þeim gerð grein fyrir möguleikum sínum í framhaldinu, bæði til knattspyrnuiðkunar og einnig til að halda tengslum við félagið.

 

Iðkendur voru leystir út með lítilli útskriftargjöf frá barna- og unglingaráði og einnig gaf stjórn knattspyrnudeildar þeim ársmiða fyrir keppnistímabilið 2025.

 

HK þakkar með stolti útskriftariðkendum sínum fyrir sitt framlag og samveruna í barna- og unglingastarfinu og óskar þeim alls hins besta.

 

 

Gleði - Virðing - Metnaður

 

#LiðFólksins #HKalltafHK